Боломж

Хичээлийн шинэ жилийн баярын нээлтийг тохиолдуулаад Лидер клубээс Монголын Лектор төвтэй хамтраад "Боломж" лекцийг зохион байгууллаа. Лектор төвийн багш Жавхлан хүрэлцэн ирж оюутнуудад сонирхолтой яриа өрнүүллээ.

"Алтан Намар" өдөрлөг

Хүмүүнлэг нийгмийн ухааны тэнхимээс  нийт 2-р курсийн оюутнуудын дунд "Алтан намар" сэдэвт явган аяллыг зохион байгууллаа. Уг аяллын үеэр зохиогдсон спорт, англи хэл, IQ-ийн тэмцээнд оюутнууд авьяас чадвар, оюун ухаан, авхаалж самбаагаа сорин оролцсоноос 1-р байрт ТЗУ-2, 2-р байрт НББ-2, 3-р байрт КГД-2 ангиуд тус тус шалгарлаа. Тэмцээнд оролцсон нийт оюутнууддаа баяр хүргэж, сурлага спортын өндөр амжилт хүсье.

"Оюутны хавар" яруу найргийн тэмцээн

    Лидер клубээс "Оюутны Хавар" яруу найргийн тэмцээнийг их дээд сургуулиудын оюутан залуусын дунд 2010 оны 04-р сарын 15-ний өдөр амжилттай зохион байгууллаа.Уг тэмцээнд Утга зохиолын дээд сургууль, Сэрүүлэг дээд сургууль, Сан дээд сургууль, Засагт Хан дээд сургууль, Хангай дээд сургууль, Их Монгол дээд сургууль зэрэг сургуулиудаас авьяаслаг оюутан залуус оролцсон юм. Тэмцээний ерөнхий шүүгчээр Монголын зохиолчдын эвлэлийн хорооны яруу найргийн төвийн дарга Арлааны Эрдэнэ-Очир ажиллав. 1-р байранд Утга зохиолын дээд сургуулийн оюутан Сүхбаатар, 2-р байранд Засагт Хан дээд сургуулийн оюутан Нямбаяр нар шалгарсан бөгөөд бусад оюутнууд удааллаа.

Дэлхийн оюутан залуусын чуулга уулзалт

Дэлхийн оюутан залуусын чуулга уулзалт 2010 оны 7-р сард БНСУ-д амжилттай болж өнгөрлөө. Уг уулзалтанд Лидер клубийн тэргүүн Нямжаргал оролцож, дэлхийн 78 орны оюутан залууст Монголынхоо оюутан залуусын дуу хоолойг хүргэсэн юм. Уг чуулга уулзалтын үеэр Марафон гүйлт, гадаадын оюутнуудын хооронд Солонгос хэлээр хэн сайн ярих вэ зэрэг тэмцээн уралдаан болсон юм. Солонгос хэлний тэмцээнд олон орны оролцогч дундаас Монгол оюутан түрүүлсэн нь маш бахархалтай үйл явдал болсон юм.